काठमाडौँ। काठमाडौँ महानगरपालिकाले महानगरभित्रका सम्पूर्ण अस्पतालमा उपचार, खाना तथा अन्य आवश्यक व्यवस्था मिलाइ रहेको छ। यसका लागि महानगरले व्यवस्थापन टोली, स्वास्थ्यकर्मी र सुरक्षाकर्मी परिचालन गरिरहेको छ।

महानगरपालिकाले जारी गरेको सूचना अनुसार, विशेषगरी सिभिल अस्पताल, ट्रमा सेन्टर, वीर अस्पताल, टिचिङ अस्पताल र केएमसी सिनामंगलमा महानगरको व्यवस्थापन टोली, स्वास्थ्यकर्मी तथा सुरक्षाकर्मी खटिएका छन् । यसका साथै, अन्य स्थानमा सहजीकरणका लागि एक सेन्ट्रल टोली पनि परिचालन गरिएको छ ।

महानगरपालिकाले आकस्मिक व्यवस्थापनका लागि स्वास्थ्यकर्मी, रगत तथा अन्य लजिस्टिक सहयोग गर्न इच्छुक व्यक्तिहरूलाई आह्वान गरेको छ। इच्छुक दाताहरूले निम्न लिङ्कमा रहेको फारम भर्न सक्ने जनाएको छ ।