सृष्टि हेरें नियालेर तिम्रो कुनै दाग छैन
तिम्रो समान वितरणमा घटिबढी भाग छैन
अगस्ति र असन्तोषी जले जलुन भित्रभित्रै
म त खान्छु सन्तोषले मेरो कुनै माग छैन ।।

भारी एकोहोरो गुन म तिर्न नसकुँला
तिम्रो हृदयको कुना भित्र छिर्न नसकुँला
प्रयास त रहने छ खुशी राख्न तिमीलाई
मन मायाँ देखाउन छातीचिर्न नसकुँला ।।

भाग्य कलम र मसीले कोरिने भए
जिन्दगी अर्कैको हातले डोरिने भए
अरुलाई खुशी कसले बाँड्छ र हजुर
निजी आफ्ना हातका खुशी फोरीन भए ।।

जती पुरेपनि नपुरीने खाडल रहेछ जिन्दगी
चम्किलो प्रकासलाई ढाक्ने बादल रहेछ जिन्दगी
अफ्ठयारो र नरमाईलो भित्रै रमाईलो खोज्नु पर्ने
बिरहको भाकामा साथ दिने मादल रहेछ जिन्दगी ।।