

कासिन न्यूज,
काठमाडौं ।
म्यानचेस्टर युनाइटेड युरोपा लिगको क्वाटरफाइनलमा प्रवेश गरेको छ । कप्तान ब्रुनो फर्नान्डेसले ह्याट्रिक गर्दै १० खेलाडीमा सीमित रियल सोसिडाडलाई बिहीवार दोस्रो लेगमा ४–१ हराएर युनाइटेड अन्तिम आठमा पुगेको हो।पहिलो लेगमा १–१ को बराबरी भएको थियो। समग्रमा ५–२ ले अघि बढेको युनाइटेडले सेमिफाइनल प्रवेशका लागि फ्रेन्च क्लब लियोनसँग प्रतिस्पर्धा गर्नेछ।
रुबेन अमोरिमको पहिलो वर्षलाई उपाधिसहित सम्झनलायक बनाउने आशा जीवित राख्न जित आवश्यक थियो।त्यस्तोमा युनाइटेडका लागि खेलको सुरुआत निकै खराब रह्यो। म्याथिज डि लिटले गल्ती गरेपछि मिकेल ओयारजाबालले १० औं मिनेटमा पेनाल्टीमा गोल गर्दै पाहुना टोलीलाई अग्रता दिलाए।
तर, घरेलु टोलीले ६ मिनेट पछि बराबरी गोल फर्कायो। इगोर जुबेल्डियाले रस्मस होयलुन्डलाई फाउल गरेपछि फर्नान्डेसले पेनाल्टीलाई गोलमा परिणत गरे।खेलको तेस्रो पेनाल्टीपछि युनाइटेडले अग्रता लिएको थियो। अरिक एलुस्तोंदोले प्याट्रिक डोर्गुलाई फाउल गरेको निर्णयप्रति
असन्तुष्टि जनाए पनि रेफ्रीको निर्णय परिवर्तन भएन।फर्नान्डेसलाई ५० औं मिनेटमा गोल गर्दै टोलीलाई अघि बढाए।स्पेनिस टोलीको अन्तिम आशा खेलको दोस्रो हाफमा समाप्त भयो । ६३ औं मिनेटमा डोर्गुलाई रोक्न खोज्दा जोन अराम्बुरुले रातो कार्ड पाए।युनाइटेडले खेल समाप्त हुनु अघि थप २ गोल गर्दै जित निश्चित गर्यो। फर्नान्डेसले ८७ औं मिनेटमा ह्याट्रिक पूरा गरे । डियोगो डालोटले इन्ज्युरी समयमा चौथो गोल गर्दै युनाइटेडको जित पक्का गरे ।
एजेन्सीको सहयोगमा

सम्बन्धित खवर
ट्रेन्डिङ
-
चैत्र ३०, २०८१अन्तिम खेलमा शनिबार नेपालले आयोजक हङकङको सामना गर्दै
-
चैत्र ३०, २०८१सुप रेष्टुरेन्ट एण्ड लजमा जुवातास खेलिरहेको अवस्थामा जुवाडे पक्राउ
-
चैत्र ३०, २०८१के कस्तो छ शनिबार तरकारी,फलफूल तथा मासुजन्य दैनिक उपभोग्य बस्तुहरुको अवस्था ?(मूल्य सूची सहित)
-
चैत्र ३०, २०८१रोजगार व्यवसायी संघको नयाँ नेतृत्वमा गुरुङ
लोकप्रिय
-
लोकप्रिय चैत्र ३०, २०८१अन्तिम खेलमा शनिबार नेपालले आयोजक हङकङको सामना गर्दै
-
लोकप्रिय चैत्र ३०, २०८१सुप रेष्टुरेन्ट एण्ड लजमा जुवातास खेलिरहेको अवस्थामा जुवाडे पक्राउ
-
लोकप्रिय चैत्र ३०, २०८१के कस्तो छ शनिबार तरकारी,फलफूल तथा मासुजन्य दैनिक उपभोग्य बस्तुहरुको अवस्था ?(मूल्य सूची सहित)
-
लोकप्रिय चैत्र ३०, २०८१रोजगार व्यवसायी संघको नयाँ नेतृत्वमा गुरुङ
Comments