कासिन न्यूज,
काठमाडौं ।
राजावादीहरूले गरेको प्रर्दशनको क्रममा गत चैत १५ गते कोटेश्वरको भाटभटेनी सुपरमार्केटमा छिरेर तोडफोड र लुटपाट गर्नेहरूलाई बहादुरीसाथ लखेट्ने सुरक्षा गार्डलाई भाट–भटेनी सुपर मार्केटले पाँच लाख पुरस्कारसहित सम्मान गरेको छ।

लुटपाटका क्रममा भाटभटेनीका सुरक्षा गार्ड दुलप्रसाद पराजुलीले एक्लै प्रतिकार गरेका थिए। उनले लुटेराहरूलाई पिट्दै लखेटेको भिडिओ सामाजिक सञ्जालमा भाइरल भएको छ। उनको योगदान साहसलाई उच्च कदर गर्दै आज भाटभटेनीले ५ लाख १ हजार १११ रुपैयाँ, एउटा फुली र पाँच ग्रेड बढुवासहित सम्मान गरेको हो। अन्य सुरक्षा गार्डलाई पनि भाटभटेनीले सम्मान गरेको छ।