कासिन न्यूज,
काठमाडौं ।
राजनीतिक शक्तिकेन्द्रसँग निकट रहँदै सेटिङमा ठूला–ठूला आयोजनाहरूको ठेक्का पाउन सफल व्यक्ति हुन् खग्रेन्द्र बुढामगर ।
२ करोडभन्दा बढीको चेक बाउन्स मुद्दामा ठेकेदार बुढामगर पक्राउ परेका छन् । महानगरीय परिसरका प्रमुख एसएसपी दानबहादुर कार्कीले बताए ।
एसएसपी काकीका अनुसार विभिन्न मिति र लाखौं रकम उल्लेख गरिएका चेकहरू बाउन्स भएपछि बैंकिङ कसुरको मुद्दामा पक्राउ गरिएको हो।
ठेकेदार बुढामगरले काटेका २ करोड रुपैयाँभन्दा बढी रकमका ४ वटा चेक बाउन्स भएपछि प्रहरीमा उजुरी परेको थियो। त्यसपछि उनलाई पक्राउ गरिएको हो।
पक्राउ परेपछि बुढामगरले विभिन्न शक्तिकेन्द्रमार्फत् दबाब दिँदै रिहा हुन खोजे पनि उनको प्रयास सफल हुन सकेको छैन। नछुट्ने भएपछि अस्पताल भर्ना हुन भन्दै उनले दबाब समेत दिएको परिसर स्रोतले जनाएको छ। रोल्पाको गाम निवासी बुढामगर राजनीतिक शक्तिकेन्द्रसँग निकट रहँदै सेटिङमा ठूला–ठूला आयोजनाहरूको ठेक्का पाउन सफलल व्यक्ति हुन्। उनको श्री जयन्ती निर्माण सेवा कम्पनी छ।