कासिन न्यूज,
काठमाडौैं ।
निकै लामो समय सम्म रोकिएका उधोगहरु पुनः संचानलमा आउने तयारीमा लागेका छन् । जसको पछिल्लो उदाहरण हो बंगलादेशमा धागोको निर्यात । बंगलादेशी सरकारले बंगलाबन्ध सुख्खा बन्दरगाहबाट धागो निर्यात गर्न अनुमति दिएसँगै उद्योगीले धागो पठाउने तयारी गरेका हुन्।
उद्योग, वाणिज्य तथा आपूर्ति मन्त्रालयका अनुसार बंगलादेशले नेपाललाई धागो निर्यात गर्नसक्ने बेहोरा पठाएको छ। उक्त विषयसँग सम्बन्धित निर्णय बंगलादेशी सरकारले राजपत्रमा समेत सूचना प्रकाशित गरिसकेको छ।

पहिलो चरणमा परीक्षणका रूपमा दस हजार किलो धागो पठाउन लागेको नेपाल धागो उत्पादक संघका अध्यक्ष पवन गोल्यानले बताए। ’हामीले परीक्षणका रूपमा १० टन धागो पठाउने तयारी गरिरहेका छौं,’ रिलायन्स स्पिनिङ मिल्सका अध्यक्ष समेत रहेका गोल्यानले भने, ’एक महिनाभित्रमा पठाउँछौं।’ उनका अनुसार बंगाबन्ध बन्दरगाहबाट नियमित भए वार्षिक तीन÷चार अर्ब रूपैयाँ बराबरको धागो निर्यात गर्न सकिनेछ।

अहिले नेपाली धागो टर्की र भारतमा निर्यात हुन्छ। पछिल्लो समय ती देशमा धागोको माग कम भएकाले बंगलादेशमा पठाउन पाए उद्योगीलाई राहत मिल्ने उनको भनाइ छ।