कासिन न्यूज,
काठमाडौं ।
आफू प्रधानमन् त्री भएदखी नै नेपाल सरकार, नेपाल राष्ट्र बैक र निजि व्यापारीक क्षेत्र बिच अर्थतन्त्रको समस्या समाधान बारे छलफल चलिरहेको प्रधानमन्त्री पुष्पकमल दाहाल प्रचण्डले बताएका छन् ।
नेपाल उधोग वाणिज्य महासंघका ५७ औ वार्षिक साधारण सभालाई सम्बोधन गर्दै प्रधानमन्त्री दाहाले यस्तो बताएका हुन् । लगानीको वातावरण, ब्याजदर नियन्त्रण तथा अर्थतन्त्रमा सकारात्मक पहलका लागि सरकार गम्भीर रहेको पनि प्रधानमन्त्री दाहालले बताए ।

‘बाह्य कारणबाट अर्थतन्त्रको आन्तरिक अवस्था केही समस्या परेको थियो । अब हामी सहज अवस्थातर्फ जाँदै छौं,’ प्रधानमन्त्री प्रचण्डले भने, ‘बैंकको ब्याजदर घटाएर लगानीको मनोबल बढाउन, पूँजीगत खर्च बढाएर बजार चलायमान गराउन र अन्य नीतिगत समाधानका लागि सरकारका सबै निकाय एक ठाउँ भएर काम गरिरहेका छन् ।’