कासिन न्यूज,
काठमाडौं ।
कारबाही गर्ने प्रशस्त आधार पाएपछि ढाकाकुमार श्रेष्ठलाई कारबाही गर्ने निर्णयमा पुगेको राष्ट्रिय स्वतन्त्र पार्टीका सभापति रवि लामिछानेले बताएका छन् ।
बुधबार बसुन्धरामा बसेको केन्द्रीय समितिको बैठकपछि पत्रकार सम्मेलनमा बोल्दै लामिछानेले श्रेष्ठलाई कार्वाही गरेको बताए । मेडिकल व्यवसायी दुर्गा प्रसाईं र श्रेष्ठबीचको संवाद बाहिरिएको थियो। जसमा मन्त्री बन्न श्रेष्ठले प्रसाईंसँग दुई करोड माग गरेको थियो।
त्यसमा प्रशस्त प्रमाण पाएसँगै उनलाई कारबाही गर्ने निर्णय भएको उनले बताए। यस्तै अनुशासन समितिसँग श्रेष्ठले आफूलाई कारबाही गरे पार्टीलाई नै सिध्याइदिने धम्की दिएको पनि उनले बताए।
‘उहाँले आफ्नो बोली परिवर्तन गरिरहनुभएको छ। जनवरीको अडिओ हो भन्नेले पनि प्रमाणित भयो। पटकपटक बोल्न दिइयो,’ उनले भने, ‘उहाँले खारेज नगरिदियोस् भन्ने पनि चाहानुभयो र ग¥यो भने म पनि देखाइदिन्छु भन्नुभयो।’
आफूले स्वीकार नगरेकाले ‘कोर टिम’ को हो भन्ने पनि आफूहरूलाई थाहा नभएको पनि उनले बताए।

‘कोर टिमबारे तथ्यसहित आयो भने किन कारबाही नगर्ने। अहिले उहाँ एक लेभलमा बार्गेनिङ गर्नेमा आउनुभएको छ,’ उनले भने, ‘के थाहा हुनुपर्छ भने अख्तियारलाई सहयोग गर्छौं।’
यस्तै उनलाई कारबाही गर्ने निर्णयबारेमा चित्त नबुझेमा पार्टीमै पनि पुनरावेदन गर्न सक्ने सुविधा भएको उनले बताए।
ढाकाकुमार श्रेष्ठको सांसद पद खारेज गरी उनको सट्टामा विन्दबासिनी कंशाकारलाई पठाउने निर्णय पनि रास्वपाले गरेको छ।