कासिन न्यूज,
काठमाडौं ।
नेपाल क्रिकेट संघ (क्यान) ले एसीसी प्रिमियर कप क्रिकेटका लागि १४ सदस्यीय टिमको घोषणा गरेको छ । रोहित पौडेलको कप्तानीमा क्यानले आइतबार टिमको घोषणा गरेको हो ।
त्रिवि क्रिकेट मैदान र मुलपानी क्रिकेट मैदानमा मंगलबारबाट सुरु हुने प्रतियोगिताका लागि नेपाल समूह ‘ए’ मा रहेको छ । यस समूहमा नेपालसँगै ओमान, कतार, मलेसिया र साउदी अरेविया रहेका छन् ।

नेपालले पहिलो खेल मलेसियाविरुद्ध मंगलबार, दोस्रो खेल ओमानविरुद्ध अप्रिल २१, तेस्रो खेल साउदी अरेवियाविरुद्ध अप्रिल २४ तथा समूह चरणको अन्तिम खेल अप्रिल २७ मा कतारविरुद्ध खेल्ने तालिका रहेको छ ।