कासिन न्यूज,
काठमाडौं ।

युईएफए च्याम्पियन्स लिगको सेमिफाइनलको समीकरण पुरा भएको छ ।

क्वाटरफाइनलका दोस्रो लिगका खेलहरु गएराती सम्पन्न भएसँगै सेमिफाइनलमा पुग्ने चार टिमको टुंगो लागेको हो ।

यस सिजनको च्याम्पियन्स लिगको सेमिफाइनलमा रियल म्याड्रिड, म्यानचेस्टर सिटी, इन्टर मिलान र एसी मिलान पुगेका छन् ।

रियल म्याड्रिडले चेल्सीलाई पराजित गर्दै सेमिफाइनलमा पुगेको हो भने म्यानचेस्टर सिटीले बायर्न म्युनिखलाई हराउदै सेमिफाइनलमा पुगेको छ ।

त्यस्तै एसी मिलानले नापोलीलाई पराजित गर्दै सेमिफाइनलमा आफ्नो स्थान सुरक्षित गरेको छ भने इन्टर मिलानले बेनिफिकालाई हराउदै सेमिफाइनलमा पुगेको हो ।

अब सेमिफाइनलमा रियल म्याड्रिडको सामना म्यानचेस्टर सिटीसँग हुने भएको छ भने अर्को सेमिफाइनलमा इटालियन प्रतिद्वन्दी इन्टर मिलान र एसी मिलान भिड्ने भएका छन् ।

अब सेमिफाइनलका खेलको पहिलो लिग आगामी मे ९ र १० मा हुने छ भने दोस्रो लिग मे १६ र १७ मा हुने छ ।