कासिन न्यूज,
काठमाडौं ।

फिलिपिन्सले ताइवान मामिलालाई लिएर चिन्ता व्यक्त गरेको छ । ताइवान नजिकको जलक्षेत्रमा बढेको तनावलाई लिएर फिलिपिन्सले चिन्ता व्यक्त गरेको हो ।

फिलिपिन्सका विदेशमन्त्री एनरिके मनालोले आफ्ना चिनियाँ समकक्षी छिन गङसँगको भेटमा दुवै देशले दक्षिण चीन सागरमा आपसी विवाद व्यवस्थापन गर्दै आर्थिक सम्बन्धलाई अझ सुदृढ बनाउनेबारेमा छलफल गरेको विदेश मन्त्रालयले जनाएको छ ।

मन्त्रालयले शनिबार जारी गरेको विज्ञप्तिअनुसार एक चीन नीतिप्रति फिलिपिन्स प्रतिबद्ध रहेको बताउँदै विदेशमन्त्री मनालोले ताइवान नजिकको जलक्षेत्रमा बढेको तनावलाई लिएर चिन्ता व्यक्त गरेका छन् ।

आफ्नै संविधान र सरकार भएको ताइवान एक स्वशासित टापु हो । सन् १९४९ को गृहयुद्धपछि चीनबाट अलग भएको स्वतन्त्र ताइवानलाई आफ्नो अविभाज्य भूमिका रुपमा दाबी गर्र्दै आएको छ । बेइजिङले आवश्यक परेमा बल प्रयोग गरेर मुख्यमूमिमा ताइवानलाई गाम्भसक्ने चेतावनी पनि दिँदै आएको छ ।