कासिन न्यूज,
काठमाडौं ।
सिंहदरबारमा प्रमुख ३ दलका शीर्ष नेताको बैठक जारी छ। प्रधानमन्त्री पुष्पकमल दाहाल, नेकपा(एमाले)का अध्यक्ष केपी शर्मा ओली र नेपाली कांग्रेसका सभापति शेरबहादुर देउवा तथा दलका सचेतकहरू भेटवार्ता भइरहेको हो।
संक्रमणकालीन न्यायसम्बन्धी विधेयक, संसदीय समितिको भागबन्डा लगायतका विषयमा छलफल गर्न प्रधानमन्त्री तथा मन्त्रिपरिषदको कार्यालय सिंहदरबारमा तीन दलका शीर्ष नेताबीच छलफल भइरहेको हो।
छलफलमा एमाले उपाध्यक्ष तथा संसदीय दलका उपनेता सुवास नेम्वाङ, प्रमुख सचेतक पदम गिरी, कांग्रेस संसदीय दलका प्रमुख सचेतक रमेश लेखक र माओवादी केन्द्रका संसदीय दलका प्रमुख सचेतक हितराज पाण्डे पनि सहभागी छन्।