कासिन न्यूज,
काठमाडौं ।

राष्ट्रपति रामचन्द्र पौडेलको स्वास्थ्यमा सुधार भएको छ। नयाँ दिल्लीस्थित अखिल भारतीय आयुर्विज्ञान संस्थान (एम्स) मा उपचाररत राष्ट्रपति पौडेलको स्वास्थ्यमा राम्रो सुधार भएको नेपाली राजदूतावासले जनाएको छ।

राजदूतावासका अनुसार चिकित्सकहरूले राष्ट्रपति पौडेलको आइतबार सम्म डिस्चार्ज हुनसक्ने सम्भावना रहेको बताएका छन्।

‘राष्ट्रपतिज्यूको उपचारमा संलग्न सम्बन्धित चिकित्सकहरुले उनको स्वास्थ्यमा राम्रो सुधार भएकोले भोलिसम्ममा अस्पतालबाट डिस्चार्ज हुनसक्ने संभावना रहेको बताएका छन्,’ राजदूतावासले जारी गरेको विज्ञप्तिमा भनिएको छ।

राष्ट्रपति पौडेलको गत ६ वैशाखदेखि नयाँ दिल्लीमा उपचार जारी छ।