कासिन न्यूज,
काठमाडौँ ।

प्रेम लम्बिए पछि त्यसले विवाहको रुप लिने गर्छ । प्रेमलाई साकार पार्ने माध्यम भने कै अन्तत विवाह नै हो । तर अहिले यसलाई हासिमजाकमा लिने गरिन थालीएको छ ।
आधुनिक समाजमा आएको परिवर्तीत संरचनाले प्रेम भन्ने पक्षलाई पनि नराम्ररी गाँजेको छ । अहिले पहिले प्रेम गरिन्छ । प्रेमको अवधिमा दुबैको मनोकांक्षा पुरा भै सकेको हुन्छ । अनि त्यसलाई विवाहको रुप दिने समय आउँछ । अनि कुरा यहाँ आएर बिग्रन्छ । अहिले राजधानी मात्र नभएर राजधानी देखी बाहिरका मुलुकमा यस्ता घटना परिघटनाहरुले लामै यात्रा पनि तय गरेको छ ।
हो अहिले यही एउटा घटना घटेको छ । लामो समय देखी प्रेमालापमा परेकी एक युवतीले आफनो प्रेमलाई साकार पार्ने माध्यम विवाहको प्रस्ताव आफनो प्रेमीलाई राख्दा प्रेमीको तर्फ बाट अस्विकार भएपछि प्रेमीको घरमा पुगेर आत्महत्या गरेकी छिन् ।
लामो समयको प्रेममा परेकी पेशाले नर्स ३४ वर्षीय अनुमा श्रेष्ठले शनिवार प्रेमी कै घरमा गएर आत्महत्या गरेकी छिन् । केटा पक्षबाट विवाहको कुरामा स्वीकृत नदिए पछि अनुमाले आफनो ज्यान गुमाएकी छिन् ।
प्रहरी वृत्त बालाजुका अनुसार ३४ वर्षीय अनुमाले आत्महत्या गरिसकेको अवस्थामा बोहोराटारस्थित प्रेमी सुजन ढकालको घरमा शव भेटिएको थियो ।
शनिवार अपराह्न ३ः५२ बजे अनुमाले आत्महत्या गरिसकेको अवस्थामा सुजनका परिवारले प्रहरीलाई खबर गरेपछि प्रहरी घटनास्थलमा पुगेको थियो । नारायणगढमा रहेका मृतक अनुमाको परिवार काठमाडौँ आएपछि शनिवार राती मुचुल्का तयार पारी शव उठाइएको छ ।

मृतक अनुमाकी काकी सिर्जना श्रेष्ठका अनुसार प्रेमी सुजन ढकाल र उनका बुवाले विवाह गर्न अस्वीकार गरेपछि शनिवार दिउँसो प्रेमीकै घरमा पुगेर अनुमाले आत्महत्या गरेकी थिइन् ।
पेशाले अनुमा स्टाफ नर्स हुन् भने उनका प्रेमी भनिएका सुजन ढकाल डाक्टर हुन् । अनुमा वीर अस्पतालमा काम गर्थिन् भने सुजन कान्ति बाल अस्पतालमा काम गर्थे ।

अनुमा बेलाबेलामा सुजनकै घरमा समेत गएर बस्ने गरेकी थिइन् । अनुमाले विवाहका लागि पटकपटक आग्रह गर्दा पनि केटापक्षले नमानेपछि अनुमाले शनिबार आत्महत्या गरेकी हुन् ।
अनुमाले आत्महत्या गरेकै स्थानबाट एउटा डायरी बरामद भएको छ । बरामद भएको डायरीमा अनुमाले आफ्नो जीवन भोगाई, प्रेमसम्बन्ध, विवाहका लागि भएको प्रयास र केटा पक्षको परिवारले गरेको अस्वीकार लगायतको विषयमा उल्लेख गरेकी छिन् ।
नुवाकोट स्थायी घर भई हाल बोहोराटार हाइटमा घर बनाई बसोबास गरिरहेका सुजन ढकालका बुवाले अनुमासँग छोरा सुजनको विवाह गराइदिन अस्वीकार गरेको कारण अनुमाले आत्महत्या गर्नुपरेको मृतककी कार्की सिर्जनाले दाबी गरिन् ।
अनुमाको शवसँगै भेटिएको ‘सुसाइडल डायरी’मा आफूले दुई पटकसम्म गर्भपतन गराएको, प्रेमीका बुवाले विवाह गर्न नदिएको लगायतका कुरा समावेश गरेकी छिन् ।

यसअघि गत वर्षको वैशाख र गत साउनमा पनि अनुमाले आत्महत्याको प्रयास गरेको तर त्यतिबेला बचाउन सकिएको सिर्जनाले बताइन् । यसपटक भने अनुमाले प्रेमी सुजन ढकालकै घरमा पुगेर आत्महत्या गरिसकेको अवस्थामा भेटिएको छ । सुसाइडल नोटमा अनुमाले ‘मायालाई मजाक बनाइएको’ भन्दै बिदा हुने कुरा उल्लेख गरेकी छिन् ।

यता अनुमाले प्रेमी सुजन ढकालकै घरमा गएर आत्महत्या गरेको समयमा प्रेमी सुजन ढकाल भने धरानमा रहेको पाइएको मृतककी काकी सिर्जनाले बताइन् । ढकाल काम विशेषले हो वा अन्य कारणले धरान गएको भन्ने जानकारी नपाएको सिर्जनाले बताइन् ।

दुरुत्साहनमा जाहेरी दिने तयारी
लामो समय प्रेम सम्बन्धमा रही दुईपटक गर्भपतन समेत गराइसकेकी प्रेमिकालाई विवाह नगरी अलपत्र पारेको र प्रेमीका बुवाले समेत विवाह गरी घरमा भित्राउन अस्वीकार गरी आत्महत्या गर्न बाध्य बनाएको भन्दै उनीहरुविरुद्ध आतमहत्या दुरुत्साहनमा जाहेरी दिने तयारी गरेको मृतककी काकी सिर्जना श्रेष्ठले बताइन् ।
आफूहरू यतिबेला प्रहरी वृत्त बालाजुमा रहेको र जाहेरी दिने तयारी गरिरहेको बताइन् । प्रहरीले भने यस विषयमा अनुसन्धान भइरहेको बताएको छ ।