कासिन न्यूज,
काठमाडौं ।

एसीसी प्रिमियर कप क्रिकेट प्रतियोगिताअन्तर्गत नेपाल र युनाइटेड अरब इमिरेट्स ९यूएई० बीचको फाइनल खेल मंगलबार हुँदैछ । सोमबार वर्षाका कारण पूरा हुन नसकेको खेल मंगलबार पुनः हुने भएको हो ।

मंगलबार ‘रिजर्भ डे’ मा बाँकी खेल खेलाइने नेपाल क्रिकेट संघ ९क्यान० का कार्यवाहक सचिव दुर्गाराज पाठकले इकागजलाई बताए । ‘खेल’ अहिलेकै अवस्थाबाट सुरु हुन्छ,’ पाठकले बताए ।

यसको अर्थ मंगलबार पुनः खेल हुने सम्भावना रहे युएईले २७ ओभर ३ बलमा गुमाएको ९ विकेटबाट ब्याटिङ गर्न आउनेछ । तर मंगलबार पनि पानी पर्ने सम्भावना रहेका कारण खेल पूरा हुनेमा आशंका छ ।

वर्षका कारण खेल प्रभावित भए दुई पटकसम्म सुपर ओभर खेलाएर नतिजा निकाल्ने प्रयास हुनेछ । तर सुपर ओभर पनि सम्भव नभए प्रतियोगिताको वरीयता अर्थात आईसीसीको एकदिवसीय वरीयता अनुसार विजेताको टुंगो लाग्नेछ ।

आईसीसीको एकदिवसीय अन्तर्राष्ट्रिय वरीयतामा नेपाल १४ औँ स्थानमा रहँदा यूएई भने १९ औँ स्थानमा छ । वरीयताअनुसार नेपाल नै विजेता घोषित हुनेछ ।