कासिन न्यूज,
काठमाडौं ।
घुस रकम लिन काठमाडौं आएका नायव निरीक्षक (सब–इन्स्पेक्टर) प्रहरी लेखापाल विनोद विष्टलाई अख्तियार दुरुपयोग अनुसन्धान आयोगको टोलीले काठमाडौंबाट नियन्त्रणमा लिएको हो। उनले भवन निर्माणको म्याद थप तथा भुक्तानी प्रक्रियामा सहजीकरण गरेको भन्दै सेवाग्राहीबाट २ लाख लिएका हुन्।

सोही रकम लिन काठमाडौं आएका उनलाई नयाँ बानेश्वरको एक रेष्टुरेन्टबाट १ लाख ५० हजार रूपैयाँको चेक र ५० हजार रूपैयाँ नगदसहित अख्तियारले नियन्त्रणमा लिएको हो। घटनाबारे अनुसन्धान भइरहेको प्रहरीले जनाएको छ।
जिल्ला प्रहरी कार्यालय महोत्तरीका प्रहरी नायव उपरीक्षक दिलिपकुमार गिरीका अनुसार विष्ट कार्यालयको लेखापाल रहेको पुष्टि गर्दै पक्राउ परेकोबारे आधिकारिक जानकारी भने नआएको बताएको छ।