कासिन न्यूज,
काठमाडौं ।
वल्फ्सवर्गमाथि सानदार जित निकाल्दै बोरुसिया डर्टमुन्डले जर्मन बुन्डेसलिगाको उपाधि जित्ने सम्भावनालाई जीवितै राखेको छ ।वल्फ्सवर्गलाई ६–० ले पराजित गर्दै डर्टमुन्डले शीर्षस्थानको बायर्न म्युनिखसँगको अंक दुरी १ मा छोट्याएर उपाधि जित्ने सम्भावना जीवितै राखेको हो ।
डर्टमुन्डको सानदार जितमा करिम एडियमी र जुड बेलिङहमले समान दुई तथा सेवास्टिन हालेर र डोनेल मालेनले समान एक गोल फर्काए । डर्टमुन्डले पहिलो र दोस्रो हाफमा समान तीन गोल गरेको थियो । सिग्नल इडुना पार्कमा आइतबार राति गोलको वर्षा भएको खेलको १४औं मिनेटमा करिम एडियमीको गोलबाट डर्टमुन्डले १–० को अग्रता लिन सफल भयो ।

२८औं मिनेटमा सेवास्टिनले गोल गर्दै डर्टमुन्डको अग्रता दोब्बर पारे । ३७औं मिनेटमा डोनेल मालेनले गोल गरेपछि डर्टमुन्डले पहिलो हाफमा ३–० को आरामदायी अग्रता सलन सफल भयो । ५४औं मिनेटमा बेलिङहमले गोल गरेपछि डर्टमुन्ड खेलमा ४–० ले अघि बढ्यो । ५९औं मिनेटमा एडेयमीले व्यक्तिगत दोस्रो तथा टोलीका लागि पाँचौं गोल गरेपछि डर्टमुन्ड आरामदायी जिततर्फ अग्रसर बन्यो ।

६५औ मिनेटमा एडियमी पेनाल्टीमा चुक्दा ह्याट्रिकबाट पनि चुक्न पुग्यो । ८६औं मिनेटमा बेलिङहमले व्यक्तिगत दोस्रो तथा टोलीका लागि छैटौं गोल गर्दै डर्टमुन्डलाई सानदार जित दिलाए । यस जितसँगै दोस्रो स्थानमा रहेको डर्टमुन्डको ३१ खेलबाट ६४ अंक पुगेको छ । समान खेलबाटै शीर्षस्थानमा रहेको बायर्नको ६५ अंक छ । पराजित वल्फ्सवर्ग ३१ खेलबाट ४६ अंक जोडेर सातौं स्थानमा छ ।