कासिन न्यूज,
विराटनगर ।
विराटनगर महानगरपालिका–१० तीनटोलियाकी ४० वर्षीया आशा शर्माले आफनो ज्यान आफै फालेकी छिन् । घरायसी झगडाका कारण आफ्नो शरिरमा मट्टितेल खनाएकी ४० वर्षीया शर्माको उपचारको क्रममा मृत्य भएको छ ।
जिल्ला प्रहरी कार्यालय मोरङका प्रवक्ता डीएसपी रन्जनकुमार दाहालका अनुसार विराटनगर लगाएकी शर्माको उपचारका क्रममा मृत्यु भएको हो । प्रवक्ता डीएसपी दाहालका अनुसार बुधबार राति ९ बजेतिर पति राजकुमार कोइरीसँग विवाद गरेकी शर्माले आफ्नो शरिरमा मट्टितेल खनाएर आगो लगाएकी थिइन् ।
सो आगलागीमा परेपछि उपचारका लागि कोशी अस्पताल विराटनगरमा ल्याइएको थियो । तर बिहिबार साँझ उनको मृत्यु भएको प्रहरी प्रवक्ता दाहालले जानकारी दिए ।
सो प्रकरणमा पति राजकुमारलाई नियन्त्रणमा लिएर थप अनुसन्धान सुरु गरिएको छ ।