कासिन न्यूज,
काठमाडौं ।

इन्डियन प्रिमियर लिग (आइपिएल) मा लखनउ सुपर जायन्ट्सले मुम्मबई इन्डियन्सलाई ५ रनले पराजित गर्दै प्लेअफ सम्भावना बलियो बनाएको छ।

अन्तिम ओभरमा ११ रन चाहिएको अवस्थामा मोहसिन खानले कसिलो बलिङ गरेपछि मुम्बईले ५ रनमात्र बनाएको थियो।

जितसँगै लखनउ तेस्रो स्थानमा उक्लिएको छ। उसले १३ खेलबाट ७ जित सहित १५ अङ्क बनाएको छ। मुम्मबईको भने यो छैटौं हार हो। मुम्मबई १४ अङ्कका चौंथो नम्बरमा कायम छ। अब रोहित शर्माको कप्तानीमा रहेको मुम्बईलाई प्लेअफ पुग्नक लागि हैदराबादलाई हराउनैपर्ने दबाब बढेको छ।

टस हारेर पहिले ब्याटिङ गरेको लखनउले निर्धारित २० ओभरमा ३ विकेट गुमाएर १ सय ७७ रन बनाएको थियो। उसका लागि मार्कुस स्टोइनिसले ४७ बलमा ८ छक्का सहित ८९ रन बनाएका थिए। त्यस्तै कप्तान कुर्नाल पाण्ड्याले ४९ रन बनाउँदा क्विन्टन डिककले १६ रन जोडे।

१ सय ७८ रनको लक्ष्य पछ्याएको मुम्बई निर्धारित २० ओभरमा १ सय ७२ रनमा समेटियो। उसका लागि इशान किशनले ५९ रन बनाउँन कप्तान रोहित शर्माले ३७ रन बनाए।

पहिलो विकेटका लागि ९० रनको साझेदारी गरेको मुम्बईका लागि पछिल्लो क्रममले विष्फोटक इनिङ खेल्न असफल भएको थियो। उसका लागि टिम डेभिडले ३२ रन तथा नेहाल वाधेराले १६ रन बनाएका थिए।