कासिन न्यूज,
काठमाडौं ।
सरकारी वकिल कार्यालय काठमाडौंले पक्राउ परेका १६ जना र फरार रहेका १४ जना गरी ३० जनाविरुद्ध बिहीबार मुद्दा दर्ता गरेको छ । उनीहरुविरुद्ध ठगी, लिखत कीर्ते, राज्यविरुद्ध र संगठति अपराध सम्बन्धी चारवटा कसुरमा मुद्दा दर्ता गरिएको सरकारी वकिल कार्यालयले जनाएको छ।
मुद्दा दायर गरिएकाहरुमा पक्राउ परेकाहरु पूर्व उपप्रधानमन्त्री टोपबहादुर रायमाझी, उनका छोरा सन्दीप रायमाझी, पूर्वगृह मन्त्री बालकृष्ण खाँण, उनका स्वकीय सचिव नरेन्द्र केसी, तत्कालीन गृह सचिव टेकनारायण पाण्डे, तत्कालीन गृहमन्त्री रामबहादुर थापाका सल्लाहकार डा.ईन्द्रजित राई, हज समितिका अध्यक्ष शमसेर मिया, भुटानी शरणार्थी नेता टेकनाथ रिजाल, केशवप्रसाद दुलाल, सानु भण्डारी, सागर राई, सन्देश शर्मा, टंक कुमार गुरुङ, गोबिन्द कुमार चौधरी, रामशरण केसी र पूर्वसभासद आङटावा शेर्पा रहेका छन् ।

https://drive.google.com/file/d/1LkGqUeGGDy1AsTTWbZq5l6qhzSnhnTZa/view