कासिन न्यूज,

काठमाडौं ।

चालु आर्थिक वर्षमा राजस्व संकलन ११ खर्ब ७९ अर्ब ८४ करोड रुपैयाँ राजस्व संकलन हुने अनुमान गरिएको छ । आर्थिक वर्ष २०८०/८१ को बजेट भाषण अर्थमन्त्री डा. प्रकाशशरण महतले संघीय संसदको दुवै सदनको संयुक्त बैठकमा बजेट प्रस्तुत गरिरहेका छन् ।

-कृषि तथा पशुपंक्षी विकास मन्त्रालयका लागि ५८ अर्ब ९८ करोड रुपैयाँ विनियोजन गरिएको छ ।

-संघीय कृषि ऐन तर्जुमा गरिनेछ ।
-पशुको विभिन्न रोगको ५ करोड ६० लाख डोज भ्याक्सिन नेपालमै उत्पादन गर्न आवश्यक रकम विनियोजन गरिएको छ ।
-औषधिजन्य प्रयोगका लागि गाजा खेतीको सम्भाव्यता अध्ययन गरिनेछ ।
-धान गहुँ लगायतका मुख्य बाली भित्र्याउनुअघि नै समर्थन मूल्य तोकिनेछ ।
-चोभारमा फलफुल र तरकारी बजार बनाउन बजेट विनियोजन गरिएको छ ।
-अगुवा किसानको अनुभव र ज्ञान कृषि उद्यम गर्न चाहनेलाई हस्तान्तरण गरिनेछ । यस्ता व्यक्तिलाई कृषि गुरु बनाइनेछ ।
-किसानलाई रासायनिक मल खरिदका लागि अनुदान दिन ३० अर्ब रुपैयाँ विनियोजन गरिएको छ ।