कासिन न्यूज,
काठमाडौं ।
नेपाली बजारमा पहेँलो धातु (सुन)को मूल्य घटेको छ। आइतबार सुनको मूल्य तोलामा १ हजार ७ सय रुपैयाँले घटेको नेपाल सुनचाँदी व्यवसायी महासंघले जनाएको छ।
तोलामा १ हजार ७ सय रुपैयाँले घटेपछि आइतबार छापावाल सुनको मूल्य १ लाख ११ हजार ६ सय रुपैयाँ कायम भएको छ। यस्तै, तेजाबी सुनको मूल्य १ लाख ११ हजार ५० रुपयाँ कायम भएको छ।
यसअघि अघिल्लो साताको अन्तिम कारोबार दिन, शुक्रबार सुनको मूल्य तोलामा ८ सय रुपैयाँले बढेको थियो। शुक्रबार छापावाल सुन प्रतितोला १ लाख १३ हजार ३ सय र तेजाबी सुन प्रतितोला १ लाख १२ हजार ७ सय ५० रुपैयाँमा किनबेच भएको थियो।
आइतबार चाँदीको मूल्य तोलामा २० रुपैयाँले घटेर प्रतितोला १ हजार ४ सय १५ रुपैयाँ कायम भएको छ। यसअघि शुक्रबार चाँदी प्रतितोला १ हजार ४ सय ३५ रुपैयाँमा किनबेच भएको थियो।