कासिन न्यूज,
काठमाडौं ।
अर्थमन्त्री डा. प्रकाशशरण महतले भने सेयर बजार सिमित मान्छेले मात्रै फाइदा कमाउने हुन हुँदैन । बैंकमा निक्षेप राख्नुभन्दा सेयरमा लगानी गर्दा केही फाइदा हुन्छ कि भनेर लगानी गर्नेलाई संरक्षण हुनुपर्छ । ‘सेयर बजारलाई स्वस्थ, विस्तारित र लगानीकर्ताको लगानी सुरक्षित गर्न राष्ट्र बैंकको भूमिका लागि पहलकदमी हुनुपर्छ ।’
बिहीबार नेपाल धितोपत्र बोर्डको ३१ औं वाषिर्कोत्सव समारोहलाई सम्बोधन गर्दै अर्थमन्त्री महतले धितोपत्र बजारबाट सीमित मान्छे नभइ आम नारिकलाई लाभ पुग्नुपर्ने बताए ।
सेयर बजार आम नागरिकको लगनी र आयआर्जनको माध्यमको रूपमा आकर्षण बढेको भन्दै नियामकको जिम्मेवारी र दायित्व बढेको उनले बताए ।

सेयर बजारमा फाइनान्सियल सेक्टर र हाइड्रोपावर मात्रै सूचीकृत भएको भन्दै अन्य वास्तविक क्षेत्रका कम्पनीलाई पनि सूचीकृत गराउनुपर्ने उनले बताए । ‘वास्तविक क्षेत्रका कम्पनीलाई लयाउन सके लगानीको क्षेत्र पनि बढ्छ,’ उनले भने, ‘कम्पनिहरूको पारदर्शिता सुनिश्चित हुन्छ ।’ उनले धितोपत्र बोर्डले नियमनलाई जिम्मेवारीका साथ निर्वाह गर्नुपर्ने बताए ।

उनले १५ जेठमा आएको आर्थिक विधयेकले सेयर बजारबाट फाइदा लिएका सीमित व्यक्तिलाई कर तिर्नुपर्ने भनेर ल्याएको व्यवस्थालाई समेत भ्रम फैलाउने काम गरेर उनीहरुले नै लाभ लिएको दाबी गरे । ‘आर्थिक विधेयकमा आएको विषय आम लगानीकर्ता लागि थिएन । तर, प्लेयरहरूले लौ बर्बाद भयो, ५६ लाख लगानीकर्ता यसको दायरमा आउने भयो भनेर भ्रम फैलाइयो,’ उनले भने, ‘बजार घट्यो हामीले होइन भनेर स्पष्टीकरण दियौ। त्यसपछि बजार बढ्यो । यसमा आम लगानीकर्ताले होइन तिनैले फाइदा कमाए ।’

अर्थमन्त्री महतले सरकारबाट सेयर बजारप्रतिको विश्वास कम गराउने काम नहुने प्रतिबद्धता जनाए । तर, सीमित व्यक्तिले मात्रै फाइदा लिने र ५६ लाखको नाम लिने परम्पराको अन्त्य हुनुपर्ने बताए । त्यो काम धितोपत्र बोर्डले गर्नुपर्ने उनको तर्क छ ।

आर्थिक विधेयकमा स्वार्थ समूहको उदेश्य पुरा नहुँदा विवादित बनाएको समेत उनले दाबी गरे । ‘आर्थिक विधेयकमा कुनै पनि स्वार्थ समूहबाट प्रभावित भएर काम भएको छैन । त्यसबाट आहट भएका स्वार्थ समूहहरू असन्तुष्ट भएकोहरुले अनावश्यक विवाद झिक्ने काम गरिरहेका छन्,’ उनले भने, ‘स्वार्थ समूहको सबैतिर पहुँच छ। त्यसबाट कर छुटलगायत परम्परागतरुपमा फाइदा लिएकाहरू बेखुसी भएका छन् । त्यही भएर सामाजिक सञ्जाल र मिडियाबाट प्रहार भएको छ ।’

भ्याटको परिधि छुट दिंदा दिदै सकिने अवस्था भएको भन्दै आफुले त्यसमा सुधार गरेको बताए । कोभिडमा केही वस्तुलाई भ्याट छुट दिएको मा त्यो छुट सधैं हुन नसक्ने भन्दै त्यसैलाई सुधार गर्दा स्वार्थ समूहको लागि काम ग¥यो भन्ने आरोप लागेको उनको दाबी छ ।

उनले उद्योग व्यवसायलाई एक तहको संरक्षण रहकेो भन्दै तयसल पनि पुग्दैन भने उद्योग जोगाउँछु भनेर मात्र नुहने तर्क गरे । एक तहको संरक्षण दिंदा पनि पुग्दैन भने सबै खोल्नुपर्ने उनको तर्क छ ।