कासिन न्यूज,

काठमाडौं ।
साफ च्याम्पियनसिप २०२३ अन्तर्गत समूह चरणको पहिलो खेलका लागि नेपालले सुरुवाती –११ घोषणा गरेको छ । नेपालले ३ः४५ बजे सुरु हुने खेलमा कुवेतको सामना गर्दैछ ।
प्रशिक्षक भिन्सेन्जो अल्बर्टो अनेसेले फिलिपिन्सविरुद्ध उत्रिएको टोलीबाट एक परिवर्तन गरेका छन् । विंगमा मनिष डाँगीले आयुष घलानको स्थानमा खेल्दैछन् ।
गोलरक्षकमा कप्तान किरण चेम्जोङ छन् । डिफेन्समा विमल पाण्डे लेफ्ट ब्याक, सनिश श्रेष्ठ राइट ब्याक तथा अनन्त तामाङ र रोहित चन्दले सेन्टर डिफेन्स सम्हाल्नेछन् ।

मिडफिल्डमा पुजन उपरकोटीलाई एरिक विष्ट र लाकेन लिम्बुले साथ दिनेछन् । आक्रमणमा अन्जन विष्ट र मनिष डाँगीले नवयुग श्रेष्ठसँग खेल्नेछन् । नेपालले फिलिपिन्सविरुद्ध खेलमा १–० को हार बेहोरेको थियो ।