कासिन न्यूज,
काठमाडौं ।

जिम्बाब्वेमा जारी आईसीसी विश्वकप छनोट क्रिकेट प्रतियोगिताको तेस्रो खेलमा नेपाल वेष्ट इन्डिजसँग पराजित भएको छ ।

३४० रनको असम्भव प्रायः चुनौतीको सामना गरेको नेपाल १०१ रनले पराजित भएको हो । नेपाल २ बल खेल्न छँदै अलआउट हुँदै २३८ रन बनायो ।

आरिफ शेखले डटेर सामना गर्दै अर्धशतक बनाए । शेखले ९३ बलमा एक छक्का र चार चौकाको मद्धतले ६३ रन बनाएका हुन् । यो यो छैटौँ एक दिवसीय अर्धशतक हो ।

त्यस्तै आरिफसँग मिलेर सातौँ विकेटका लागि ६८ रनको साझेदारी गर्ने क्रममा अलराउन्डर गुल्सन झाले ५८ बलमा एक छक्का र पाँच चौकाको मद्धतले ४२ रन जोडे । त्यस्तै कप्तान रोहित पौडेलले ३० रन बनाए । त्यस्तै आसिफ शेखले २८ तथा करण केसीले पनि २८ रन बनाए ।

वेष्ट इन्डिजका लागि जासन होल्डरले ३ तथा अल्जारी जोसेफ, किमो पल र अकेल होसेनले समान २–२ विकेट लिए ।