कासिन न्यूज,
बिराटनगर ।
कोशी प्रदेशका मुख्यमन्त्री हिक्मत कार्कीले सर्वपक्षीय सरकार गठनको आह्वान गरेका छन्। विश्वासको मत लिने प्रस्तावमा सांसदहरूले उठाएका प्रश्नको जवाफ दिने क्रममा मुख्यमन्त्री कार्कीले यस्तो आह्वान गरेका हुन्। मुख्यमन्त्री पदमा आलोपालो गर्न पनि आफू तयार रहेको उनले बताए।

‘सबै मिलेर सरकार चलाउँदा एउटा मात्र नेता हुँदैन भने भागवण्डा नै भन्ने पक्षमा म छैन तर जनताले अफ्ठ्यारो नमान्ने गरी त्यसमा पनि निश्कर्ष निकालौँ,’ कार्कीले भने, ‘तपाईं ६ महिना मुख्यमन्त्री हुनुभयो म अर्को ६ महिना हुन्छु भन्दा म आजै छाड्न पनि तयार छु।’ सहमतिको सरकार बनाउँदा ठूलो दल र धेरै सदस्य भएकाले मन्त्री बन्ने कम अवसर पाउने भन्दै एमालेले नै सबैभन्दा धेरै घाटा बेहोर्नुपर्ने उनको भनाइ छ। ‘

तर तपाईंहरू सबै सहमतिको पक्षमा हो भने म जति होचो अर्घेलो हुन पनि तयार छु, जति पीडा भए पनि सहन तयार छु’, मुख्यमन्त्री कार्कीले भने, यसअघिका घटनाक्रमलाई सबै बिर्सिएर हातेमालो गर्न एमाले तयार छ।’ अहिले मुख्यमन्त्री कार्कीले राखेको विश्वासको मत माग्ने प्रस्तावमा मत विभाजन सुरु भएको छ।