कासिन न्यूज,
काठमाडौं ।
गायक तथा अभिनेता रोबिन तामाङको गत मंगलबार बेलुकी निधन भएको खबर उनकै फेसबुक मार्फत बाहिरिएको थियो । तामाङको निधनको कारण भने खुलाइएको थिएन । नेपाली सांगीतिक क्षेत्रमा तामाङले थुप्रै चर्चित गीत गाउनुका साथै दर्जनौं फिल्महरुमा समेत अभिनय गरेका छन् ।
जति माया लाए पनि, चिसो चिसो हावामा जस्ता हिट गित गायका तामाङले छड्के , मुखौटा,जय पर्शुराम, चिसो एस्ट्रे लगायत दर्जनौ फिल्महरुमा अभिनय समेत गरेका छन् ।
गायक तथा अभिनेता तामाङको आइतबार अन्तिम संस्कार गरिँदैछ। अन्तिम संस्कारको लागि बिजेश्वरीस्थित शोभा भगवतीमा लानु अघि उनको पार्थिब शरिरलाई श्रद्धाञ्जली अर्पण गर्न आज बिहान संगीत तथा नाट्य एकेडेमीको प्रांगण, नक्सालमा राखिनेछ।

आइतबार बिहान ८ बजेदेखि ११ बजेसम्मको लागि नक्सालस्थित एकेडेमीको प्रांगणमा श्रद्धाञ्जली अर्पण गर्ने कार्यक्रम राखिएपछि उनको शव शोभा भगवती लगेर अन्तिम दाह संस्कार गरिनेछ। उनी बूढानीलकण्ठस्थित निवासमा मृत फेला परेका थिए ।