कासिन न्यूज,
काठमाडौं ।

कक्षा ११ मा भर्नाका लागि माध्यमिक शिक्षा परीक्षा (एसईई) बोर्डले एसइइको परीक्षाफलमा न्यूनतम् औसत ग्रेड प्वाइन्ट (जिपिए) १ दशमलव ६ प्राप्त गरेका विद्यार्थी मात्र योग्य हुने सूचित गरेको छ ।
राष्ट्रिय पाठ्क्रम विकास तथा मूल्याङ्कन परिषद्को २०७९ भदौ १९ को बैठकको निर्णयअनुसार पाठ्यक्रम विकास केन्द्र, सानोठिमीले गरेको पत्राचारका आधारमा राष्ट्रिय परीक्षा बोर्डले सो बारे सूचित गरेको हो ।

बोर्डको बाग्मती प्रदेश कार्यालयले कक्षा ११ सञ्चालन गरिरहेका शिक्षालयका प्रधानाध्यापकलाई पत्र पठाई सोही अनुसार भर्ना गर्न र गराउन भनेको छ ।