कासिन न्यूज,
काठमाडौं ।
सामाजिक र धार्मीक सेवाको माध्यमबाट समाजमा छाईरहेको खरिडाँडा बत्तिसपुतली स्थिती रहेको कुमारी स्थान संरक्षण संस्थाले आफनो सामाजिक कार्यनितिलाई नियाल्दै स्वास्थ्यको क्षेत्रमा पनि हात हालेको छ ।
धार्मीक माध्यमबाट समाजको सेवा गर्दै आइरहेको संरक्षण संस्थाले कुमारी मन्दिर परिसरमा भजन गृह, विवाह ब्रतमन स्थल देखी क्रियापुर्ती भवन निर्माण गरि समाज प्रति आफनो उत्तरदायीत्व बहन गराईरहेको छ ।

त्यही कुरालाई मध्यनजर राख्दै स्वास्थ्यको क्षेत्रमा केही गरौ भन्ने उद्देश्यले साउन ६ गते मन्दिर परिसरमा बृहत निशुल्क स्वास्थ्य परिक्षण सेवा दिएको छ । सिनामंगलमा रहेको क्रिस्टल डाइगोनिष्ट प्रा.लिको सहयोगमा स्वास्थ्य परिक्षण गरिएको थियो ।

जम्मा ८८ जनाले आफनो स्वास्थ्य परिक्षण गराएको क्रिस्टल डाइगोनिष्टका व्यापार प्रवन्धक रमेश थापाले बताएका छन् । सो कार्यक्रममा सो क्षेत्रको उर्जाशिल क्लव कुमारी युवा क्लवले पनि सामूहिक कार्यमा सहयोग गरेको थियो ।