कासिन न्यूज,
काठमाडौं ।

१०० किलो सुन काण्डको प्रसंग लिएर नेकपा एमालेका महासचिव शंकर पोखरेलले सत्ता गठबन्धनको मेलोमितो विना यस्तो कार्य नहुने औँल्याएका छन् । पोखरेलले सामाजिक सञ्जाल फेसबुक मार्फत आफनो १०० किलो काण्ड अरुलाई डाम्ने माध्यम मात्र भएको पनि बताएका छन् ।
सत्ता र साख आफनो पोल्टामा लिएर अरुलाई डाम्ने नियति राख्नु भनेको कत्ति सम्मको न्यायसम्मत छ ।
कतै यस प्रकरणमा राजश्व अनुसन्धान विभागमा नयाँ नेतृत्व आएका कारणले वा गिरोहका बीचमा विवाद भएका कारणले तस्करीको योजना असफल भएको त होइन भन्ने कुरालाई आधार बनाउने हो भने यस अघि पनि यसरी नै ठुलो पैमानामा सुन तस्करी भएको देखिन्छ । के अनुसन्धान त्यहाँ सम्म पुग्नु आवश्यक छैन र ?
सबै प्रकारका कमजोरीबाट उन्मुक्ति पाउनु पर्दछ भन्ने सत्तापक्षीय दृष्टिकोण हो?’, उनले फेसबुकमा लेखेका छन्, ‘१०० किलो सुन प्रकरणमा पनि त राजश्व अनुसन्धान विभागको नेतृत्वले जस पाएकै छ ।

बाहिर सुन समातिएका आधारमा एअरपोर्टको सुरक्षा प्रणाली र भंसार प्रशासनले उन्मुक्ति पाउँछ र? अनि त्यसको नेतृत्व गर्ने सरोकारवाला नेतृत्वमाथि प्रश्न उठाउने कुरा अनुचित हुन्छ र? हुँदैन।’ पोखरेलले सत्ताको नेतृत्व गरिरहेको सरोकारवाला निकायले जवाफदेही बन्नैपर्छ भन्दै पाँच प्रश्न तेर्स्याएका छन्।