कासिन न्यूज,
काठमाडौं ।

प्रहरीको प्रारम्भीक अनुसन्धानबाट होटल सञ्चालक ४५ वर्षीया आशा कुँवर र उनकै छोरा २० वर्षीय विनोद कुँवरले पौडेलको हत्या गरेको खुल्न आएको जिल्ला प्रहरी कार्यालय बागलुङले जनाएको छ ।

उनी खाजा खान उक्त होटल गएका थिए । दुबै आरोपीलाई प्रहरीले मंगलबार नै पक्राउ गरिसकेको छ ।

होटेल सञ्चालकसँग विवाद हुँदा आशा र विनोद कुँवरले पौडेललाई मुक्का हानेको र मरणासन्न हुनेगरी छातीमा लात्तीले हानेको जनाएको छ । कुटपिट र मुक्का प्रहारबाट बेहोस भएका पौडेलको पर्दाको कपडाले घाँटी कसेर हत्या गरिएको अनुसन्धानबाट खुल्न आएको प्रहरीले जनाएको छ ।

नगर प्रहरी कार्यालय बागलुङ दरबन्दी भई ईलाका प्रहरी कार्यालय भिमगिठ्ठे बागलुङमा कार्यरत प्रहरी वरिष्ठ नायव निरीक्षक पौडेल उक्त होटलको भुइँ तलाको कोठामा मृत अवस्थामा फेला परेका थिए ।

यस सम्बन्धमा प्रहरीबाट थप अनुसन्धान भइरहेको प्रहरीले जनाएको छ ।