कासिन न्यूज,
काठमाडौं ।
सिनेमा, कला र साहित्य क्षेत्रमा अब्बल लेख रचना प्रकाशित गरिरहेका सिने पत्रकार सुकृत नेपाल ‘राष्ट्रिय ललितकला प्रदर्शनी–२०८०’ बाट सम्मानित भएका छन् । नेपाललाई नेपाल ललितकला प्रज्ञा–प्रतिष्ठानले सम्मान र पुरस्कृत गरेको हो । नेपाल गोरखापत्र दैनिकमा सिने क्षेत्र हेर्ने पत्रकार हुन् ।
प्रतिष्ठानले दी राइजिङ नेपालकी पत्रकार रेनुका ढकाललगायत विभिन्न सञ्चारमाध्यममा कार्यरत अन्य तीन जनालाई पनि पुरस्कार प्रदान गरेको छ ।
सञ्चारमाध्यको तर्फ बाट राष्ट्रिय ललितकला प्रदर्शनीलाई सफल बनाउन महत्वपूर्ण भूमिका निर्वाह गरेको बताउँदै प्रतिष्ठानका उपकुलपति लालकाजी लामाले प्रदर्शनी सफल बनाउन सञ्चार माध्यमको प्रमुख भूमिका अहम रहेको स्मरण गरे ।