कासिन न्यूज,
काठमाडौं ।
मानव कालमा जन्म दिनको महत्व छुट्टै हुन्छ । यसलाई मनाउने तरिकाहरु अलग अलग नै हुन्छ । कसैले साथीभाईहरुलाई एकजुट गरेर केक काटेर रमाइलो गरेर मनाउँछ , कोही मठ मन्दिरमा दर्शन गरेर परिवार सँग रमाएर मनाउने गर्छन् ।
तर यहाँ आफनो जन्म दिन मनाउने शैलीमा परिवर्तन गरेकी छिन् चमेली थापाले । उनले क्यानसर बाट लडिरहेकाहरु जो आर्थिक संकटको अभावमा लडिरहेका छन् त्यस्ता मानिसहरुलाई सहयोग गरेर आफनो जन्म दिन मनाएकी छिन् ।

आफनो जन्म दिनको अवसरमा थापाले गोर्खा जिल्लाको गण्डकी गा.पा वडा नं –३ फुजेल सिम्ले घर भएका बाबुराम श्रेष्ठ सान्त्वना स्वरुप केही आर्थिक सहयोग गरेर आफनो जन्म दिनलाई खुशीयाली बनाएकी छिन् । उपत्यका एक इन्सुरेन्स कम्पनिका एजेन्सी म्यानेजरको कार्यरत थापाले आफना सहयात्रीहरुको साथमा आफनो जन्म दिन मनाउने क्रममा श्रेष्ठलाई आर्थिक सहयोग गरेर सम्झेकी हुन् ।

समाजमा विभिन्न रोगहरुले थलिएकाहरु जो आर्र्थिक देखी विभिन्न कुराहरुले अक्रान्त बनेका छन् त्यस्ता व्यक्तिहरुलाई सहयोग गर्न पाउनु नै जीवनको उपलब्धी ठान्ने थापा समाजमा बसे पछि केही न केही सामाजिक पहिचान हुने काम त गर्नै पर्यो भन्ने मान्यता राख्छिन् । भन्छिन् , आफू ठूलो र धनी भएर होइन कि आफूमा समाज प्रति आफूले केही गर्नु पर्छ भन्ने भावना जागृत भएर मात्र यो कार्य गरेको हो । यस्ता कार्य गर्न पाउँदा मनमा निकै आन्नद र शान्ति मिल्छ ।