कासिन न्यूज,
चितवन ।
भरतपुर महानगरपालिका वडा नंं २६ घर भएकी ३२ वर्षीया नविना महतो जो तीन महिनाको गर्भवती थिइन उनको उपचारको क्रममा मृत्यु भएको छ ।
यसरी गर्भवती महिलाको मृत्यु भएपछि मनकामना अस्पतालमा तनाव उत्पन्न भएको हो । जिल्ला प्रहरी कार्यालय चितवनले दिएको जानकारी अनुसार
रक्तश्राव भएर अस्पताल आएकी नविनाको उपचारमा लापरबाही भएकोले मृत्यु भएको भन्दै आफन्तहरुले अस्पताल घेराउ गरेका छन् । उनको शुक्रबार दिउँसो अपरेशन गरिएको अस्पतालले जनाएको छ ।
महतोका देवर सन्तोष चौधरीले सामान्य रक्तश्रावमा पनि अस्पतालले हेलचेक्र्याइँ गरेको कारण ज्यानै गएको बताए । अस्पतालले शव बुझ्ने कागजमा जबरजस्ती हस्ताक्षर गराउन खोजेको पीडित परिवारको आरोप छ ।
मृतकका आफन्तले अस्पतालको गेटमा चाबी लगाइएका छन् । अहिले छलफल सुरु गर्न लागिएको छ । अस्पतालमा रातिदेखि नै प्रहरी परिचालन गरिएको छ ।