कासिन न्यूज,
काठमाडौं ।
प्रधानमन्त्री पुष्पकमल दाहाल प्रचण्डले माओवादी केन्द्र र जनमत पार्टीबाट एक–एकजना मन्त्रीको थप्ने तयारी गरेका छन् ।
प्रधानमन्त्री दाहालले आइतबार नै शपथग्रहण गराउने तयारी गरेको प्रधानमन्त्री कार्यालय स्रोतले जानकारी दियो। प्रधानमन्त्री दाहाल चितवनमा रहेकाले काठमाडौं फर्किएपछि मन्त्री नियुक्तिको पत्र राष्ट्रपतिलाई पठाइने छ ।

राष्ट्रपति कार्यालयले प्रधानमन्त्रीको पत्र आएपछि शपथग्रहण गर्ने जनाएको छ। ‘अहिलेसम्म प्रधानमन्त्रीज्यूबाट पत्र आएको छैन। पत्र पाएपछि शपथ गराउन हामी तयार नै छौँ,’ राष्ट्रपति कार्यालय स्रोतले भन्यो। माओवादीबाट हितबहादुर तामाङ र जनमतबाट अनितादेवी मन्त्री बन्दै छन्। प्रधानमन्त्री दाहालले पर्यटनमन्त्री सुदन किराँती र सामान्य प्रशासनमन्त्री अमनलाल मोदीलाई फिर्ता बोलाउने तयारी गरेको छ।