कासिन न्यूज,
मुगु ।

मुगुको सोरुकोट देखि गमगढी बजार जाँदै गरेको ग १ ज ७७६२ नम्बरको जिप दुर्घटना भएको छ ।

जीप दुर्घटना हुँदा दुई जनाको मृत्यु भएको र सात जना घाइते भएका छन् । दुर्घटनामा जिपमा चालक सहित सवार जम्मा ९ जना मध्ये २ जनाको घटना स्थलमा र २ जनाको उपचारको क्रममा मृत्यु भएको छ । जिपमा सवार बाँकी ५ जना सक्त घाईतेहरुको उपचारका लागि जिप र एम्बुलेन्समा जिल्ला अस्पताल ठिनि गमगढी लिईएको छ । जीप सोरु सोरु गाउँपालिका वडा नम्बर ६ स्थित सिपपहिरो नजिकैको डिलबाट करिब २ सय मिटर तल खस्दा दुई जनाको घटनास्थलमै मृत्यु भएको र सात जना घाइते भएको सोरुकोट प्रहरी चौकीका हवल्दार मनबहादुर थापाले बताए ।

मृतक तथा घाइतेको पहिचान यकिन हुन नसकेको प्रहरी कार्यालय सारुकोटले जनाएको छ । घाइतेहरूको उद्धारको लागि सोरुकोट प्रहरी चौकी र तारापानी प्रहरी चौकीको प्रहरी टोली घटनास्थलतर्फ गएका छन् ।