कासिन न्यूज,
काठमाडौं ।
भक्तपुरको सानोठिमीस्थित बाल सुधार गृहमा थुनामा रहेका १८ वर्षीय कमल बस्नेतको मृत्युको विषयमा झडप हुँदा २ सय २१ जना नाबालक बन्दी भागेका हुन् । बालकको मृत्यु संकास्पद भएको भन्दै नेपाल प्रहरीको उपत्यकाका बरिष्ठ प्रहरी उपरिक्षक एसएसपी नेतृत्वमा अनुसन्धान टोली खटिएको छ ।

उपत्यका प्रहरी कार्यालयका एसएसपीहरु दिनेशराज मैनाली र ओम रानाको नेतृत्वमा थप प्रहरी परिचालन गरिएको छ ।
फरार भएका २२१ जना जना नाबालक बन्दीको खोजी भइरहेको प्रहरी नायव महानिरिक्षक डीआईजी लालमणी आचार्य आचार्यले जानकारी दिए । उनले भने–‘ललितपुर र भक्तपुरबाट थप प्रहरी परिचालन गरिएको छ, फरार नाबालक बन्दीहरुको खोजी हुँदै छ ।’