कासिन न्यूज,
काठमाडौं ।

नेपाली सांगीतिक क्षेत्रका जानेमाने हस्ति, मधुर स्वरका धनी, चर्चित एवं वरिष्ठ गायक सीताराम पोखरेल विराटनगरमा सम्मानित भएका छन् । विराटनगरका बासिन्दा रहेका गायक पोखरेललाई त्यहीको विराटनगरको रोटरी क्लव “भोकेशनल अवार्ड ” बाट सम्मान गरेको हो ।
सरकारी सेवाबाट अवकास लिएर पूर्ण रुपमा गायनको क्षेत्रमा लागेका वरिष्ठ गायक पोखरेलका नेपाली संगीत क्षेत्रमा धेरै कर्णप्रिय र मधुर संगीतले भरिएका गीतहरु बजारमा आएका छन् । रेडियो नेपालको सञ्चालक समितिको सदस्य रहेका वरिष्ठ गायक पोखरेल तिन दशक देखी गायन क्षेत्रमा लागि रहेका छन् ।
पोखरेलले गायनकलामा पुर्याएको योगदानको कदर गर्दै रोटरी क्लव अफ विराटनगरले आफनो ४७ औं स्थापना दिवसको अवसर भोकेशनल अवार्डबाट सम्मानित गरेको हो ।
कार्यक्रमका प्रमुख अतिथि डिष्ट्रिक गभर्नर राजेन्द्रप्रसाद धौजु तथा क्लबका अध्यक्ष कमल बस्नेतले संयुक्त रूपमा गायक पोखरेललाई सम्मान गरेका थिए ।