कासिन न्यूज,
कृष्णनगर (कपिलवस्तु) ।
विद्युत् पोल नजिकै रहेको रुखमा चढेर घाँस काट्दा तारमा विद्युत् प्रवाह भई ५० वर्षीय धनबहादुर थापाको मृत्यु भएको छ । मृतक थापा कपिलवस्तुको शिवराज नगरपालिका–१ बनकसबासाका बासीन्दा हुन् ।
थापाको करेन्ट लागेर मृत्यु भएको नेपाल विद्युत् प्राधिकरण चन्द्रौटाका शाखाका इन्चार्ज दिनबन्धु आचार्यले जानकारी दिएका छन् । ।
गाउँको प्रतीक्षालय बस्ने र अरुको काम गरिदिनेबापत स्थानीयवासीले खाना दिने गरेका स्थानीयले बताएका छन् । मृत्यु भएका थापाको आफ्नो परिवारमा कोही नभएकाले नजिकैका आफन्तलाई सम्पर्कमा ल्याई शव बुझाइने जिल्ला प्रहरी कार्यालय तौलिहवाले जनाएको छ । मृतक थापाको शव परीक्षणको लागि जिल्ला अस्पताल तौलिहवा लगिएको छ ।