कासिन न्यूज,
काठमाडौं ।

स्पेनको नयाँ प्रधानमन्त्री बन्नका लागि भएको संसदीय मतदानमा अल्बर्टो नुनेज–फेइजुको दाबी बुधबार संसदले अस्वीकृत गरेको छ । प्रधानमन्त्रीका लागि चाहिने आवश्यक १७८ मतमध्ये उनले १७२ मात्र प्राप्त गरेका छन् ।

कामचलाउ अवस्थामा रहेका समाजवादी प्रधानमन्त्री पेड्रो सान्चेजले प्रधानमन्त्रीको लागि १७८ मत आफ्नो पक्षमा रहेको पुष्टि गर्न दुई महिनाको समयको प्रस्ताव तयार भएको छ ।

राजनीतिक अस्तित्वका लागि पटक–पटक आफ्नो क्षमता प्रदर्शन गर्दै आएका सान्चेज बास्क र क्याटलान क्षेत्रीय पार्टीहरूको समर्थनमा आफू पुनः सत्तामा फर्कनेमा विश्वस्त छन् ।

जुलाईमा भएको अनिर्णायक चुनावमा सबैभन्दा बढी मत प्राप्त गरे पनि फेइजुले बुधबार आफ्नो दक्षिणपन्थी पपुलर पार्टी ९पीपी०, अति दक्षिणपन्थी भोक्स र अन्य दुई साना गुटका १७२ सांसदको समर्थन बटुल्न सफल भएका थिए ।

प्रधानमन्त्रीका रूपमा पुनः निर्वाचित हुन उहाँलाई ३५० सदस्यीय संसद्मा १७६ मतको बहुमत आवश्यक छ ।

भोक्ससँगको गठबन्धनका कारण उनी आवश्यक समर्थन प्राप्त गर्न असमर्थ थिए, जसको चरम स्थितिले पीपीलाई लगभग पूर्ण रूपमा अलग गरेको छ ।

फेइजुले शुक्रबार दोस्रो मतदानको पनि सामना गर्नुपर्नेछ । दोस्रो मतदानमा विपक्षमा भन्दा पक्षमा बढी मत आवश्यक पर्छ । तर त्यहाँ पनि, उनीसँग पर्याप्त समर्थन मिल्ने कुनै सम्भावना छैन ।

अर्को हप्ता राजा फिलीप छैटौंले सान्चेजलाई सरकार गठनका लागि जिम्मेवारी दिने अपेक्षा गरिएको छ । यद्यपि प्रधानमन्त्रीको नयाँ निर्वाचनका लागि मिति तय हुन बाँकी छ । यदि उनी पनि असफल भए स्पेनमा सम्भवतः जनवरीमा पुनः निर्वाचन हुनेछ ।