कासिन न्यूज,
काठमाडौं ।
नेकपा एमालेको बागमती प्रदेशमा नेतृत्व चयन भए सँगै शनिबार कर्णाली प्रदेशमा नेतृत्व चयनको शनिबार निर्वाचन हुँदै छ । बागमती प्रदेशमा जस्तै यहाँ पनि सहमतिका आधार खोजीए पनि नेतृत्व बिच सहमति हुन नसक्दा निर्वाचन जानु परेको एमालेका एक नेता बताउँछन् ।
प्रदेशको अध्यक्षका लागि मात्रै पाँच जनाले उम्मेदवारी दर्ता गराएका छन् । स्थायी कमिटी सदस्य यामलाल कँडेल समुहबाट सल्यानका गुलावजंग शाह र अर्का स्थायी कमिटी सदस्य गोरख बोगटीे समूहबाट कालीकोटका मिनबहादुर शाहीले प्यानल नै बनाएर चुनावी मैदानमा होमिएका छन् ।

यस्तै कर्णालीका पूर्वसभामुख दैलेखका राजबहादुर शाही, प्रेमबहादुर सिंह र प्रकाश रोकायाले पनि अध्यक्षमा उम्मेदवारी दर्ता गराएका छन् । अध्यक्षका पाँच उम्मेदवारमध्ये तीन जना कालीकोट जिल्ला हुन् । मीनबहादुर शाहीविरुद्ध उनकै जिल्लाका पुराना नेता प्रेमबहादुर सिंह र प्रकाश रोकाया मैदानमा उत्रिएका हुन् । यी दुई नेताको कुनै पनि प्यानल भने छैन् ।

एमाले बागमती प्रदेश अधिवेशन : प्यानलाइज गर्ने र दुई भागमा विभाजन गर्ने खालका काम कसैले नगरौ, बन्द गर्नुहोस् > एमाले अध्यक्ष ओली