कासिन न्यूज,
काठमाडौं ।
चाडपर्वको मौसम सुरु भएसँगै उपत्यकामा जुवाका खालहरु जम्न थालेका छन् । उपत्यकाका विभिन्न स्थानहरुमा यस्ता खालहरु विभिन्न तौरतरिकाले जमिरहेका हुन्छन् ।
उपत्यकाका होटल लज देखी कुना कुनामा रहेका घरहरु यस्ता जुवाहरुको लागि प्रयोग गरिने गरेको छ । प्रहरीले बेला बखत यस्ता खालहरुमा नजर लगाए पक्राउ पर्ने सम्भावना कम रहेकोले यस्ता खालहरु जम्न थालेका हुन् ।
यसै क्रममा काठमाडौं टोखा बाट लङ्गुर बुजा खेलीरहेको अवस्थामा प्रहरी छापा मार्दा ६ जना पक्राउ परेका छन् । उनीहरुको साथबाट ३३ हजार नगद जफत गरेको काठमाडौं प्रहरी परिसरले जानकारी दिएको छ ।