कासिन न्यूज,
काठमाडौं ।

श्रम, रोजगार तथा सामाजिक सुरक्षा मन्त्रालयले भिसा पाएका २४ कामदारलाई इजरायल नजान अनुरोध गरेको छ ।

सोमबार साँझ मन्त्रालयले एक सूचना जारी गर्दै मन्त्रालयले इजरायलका दीर्घकालीन स्याहार केन्द्रमा सहायक कामदारका लागि छनोट भएका २४ जना सहायक कामदारहरूलाई इजरायलमा यात्रा नगर्न अनुरोध गरेको हो ।

उनीहरुले भिसा समेत प्राप्त गरिसकेका छन् । भिसा पाएका कामदारहरूको उडानको समय बुधबार बिहान १ बजे तय भएको थियो। तर इजरालमाथि हमासले गरेको आक्रमणका कारण मन्त्रालयले उनीहरुलाई इजरायल नजान अनुरोध गरेको हो ।

हमासको आक्रमणमा परी इजरायलमा १० जना नेपाली विद्यार्थीहरूको ज्‍यान समेत भएको छ।