कासिन न्यूज,
धनगढी ।

नेकपा एमाले सुदूरपश्चिम अधिवेशन अन्तर्गत प्रदेशको नयाँ नेतृत्वका लागि मंगलबार मतदान हुँदैछ ।

सुदूरपश्चिम प्रदेशको भावी नेतृत्वका लागि सहमतिको प्रयास असफल भएपछि निर्वाचन समितिले साँझ ५ बजेदेखि मतदान गराउन लागेको हो ।

प्रमुख निर्वाचन अधिकृत पदम पालले सार्वजनिक गरेको निर्वाचन कार्यतालिका अनुसार आज बिहान ७ देखी ९ः३० बजेसम्म उम्मेदवारी दर्ता, ११ः३० बजे उम्मेदवारको प्रारम्भिक नामावली प्रकाशन तथा दिउसो २ः३० बजे उम्मेदवारको अन्तिम नामावली प्रकाशन गरिनेछ भने साँझ ५ बजेबाट मतदान सुरु हुनेछ ।

गत आइतवार अध्यक्ष केपी शर्मा ओलीले उद्घाटन गरेको सो अधिवेशनको भावी नेतृत्वका लागि सोमबार दिनभर सहमतिको प्रयास गरिएको भए पनि सफल नभए पछि हिजो साँझबाट नै निर्वाचन प्रक्रिया अघि बढाइएको हो ।

प्रदेश अध्यक्षका लागि अछामका कृष्ण प्रसाद जैशी र कमल तिमिल्सिना र कञ्चनपुरका वचन सिंहले दाबी गरेका छन् ।