कासिन न्यूज,
काठमाडौं ।

कोशीका नवनियुक्त मुख्यमन्त्री केदार कार्की नियुक्ति हुने वित्तिकै नेपाली काँग्रेसका बरिष्ठ नेता शेखर कोईरालालाई भेट्न काठमाडौं आएका छन् ।

शनिबार प्रदेश प्रमुखबाट मुख्यमन्त्रीको नियुक्ति पाएपछि उनी काठमाडौं आएका हुन् । मुख्यमन्त्री कार्कीले आइतबार पद तथा गोपनीयताको शपथ लिँदैछन् । शपथ लिनुअघि उनी नेताहरुसँग छलफल गर्न तथा भेट्न काठमाडौं आएका हुन् ।

उनी काठमाडौंको त्रिभुवन विमानस्थलमा अवतरण भएपछि कांग्रेस नेता शेखर कोइरालाको निवासमा पुगेका छन् ।

एमालेका ३९ सांसद र कांग्रेसका ८ सांसदको समर्थनमा मुख्यमन्त्री नियुक्त भएका कार्कीलाई एमालेलाई पनि सरकारमा सहभागी गराउनुपर्ने बाध्यता छ । तर आइतबार प्रधानमन्त्री पुष्पकमल दाहाल प्रचण्ड, कांग्रेस सभापति शेरबहादुर देउवा र नेता शेखर कोइरालाबीच सत्तारुढ गठबन्धनप्रति प्रतिवद्ध रहने सहमति भएको छ । यही अप्ठेरोका बीच मुख्यमन्त्री कार्की नेताहरुसँग छलफल गर्न काठमाडौं आएका स्रोतको भनाइ छ ।