कासिन न्यूज,
काठमाडौं ।
दक्षिण भारतीय अभिनेत्री रश्मिका मन्दानाको एउटा भिडियो सामाजिक सञ्जालमा भाइरल बनेको छ । सोमबार सो डिपफेक भिडियो बाहिरिएको थियो ।
यसमा रश्मिका जस्तै देखिने एउटी युवति डीप नेक भएको कालो पोशाकमा लिफ्टमा चढेको देखाइन्छ । भिडियोमा लिफ्टमा छिर्दै गर्दा त्यसमा भएकी युवतिको अनुहार रश्मिकाको अनुहारमा बदलिएको देखिन्छ । यो भिडियो तुरुन्तै भाइरल बन्यो । केही सामाजिक सञ्जाल प्रयोगकर्ताहरुले भने यो भिडियो डिपफेक भएको बताइरहेका छन् ।

भिडियो डिपफेक भएको पुष्टि सोही पोष्टमा एक जना युजरले कमेन्ट गरेका थिए । रश्मिकाको डिपफेक भिडियो भाइरल बनेपछि बलिउडका शहन्शा अभिताभ बच्चन भड्किएका थिए ।

सो भिडियोप्रति असन्तुष्टि व्यक्त गर्दै उनले कानुनी कारबाहीको माग गरेका छन् । अभिताभले एक जना एक्स प्रयोगकर्ताको पोष्टलाई रिट्विट गर्दै यस्तो घटनाविरुद्ध कानुनी कारबाही गर्न आग्रह गरेका छन् । उनले भारतमा डीपफेक नियन्त्रण गर्न तत्कालै कानुनी र नियामक ढाँचाको खाँचो रहेको औँल्याए । रश्मिका र अभिताभ बच्चनले गुडबायमा सँगै काम गरेका थिए ।