कासिन न्यूज,
काठमाडौं ।

प्रहरीले स्रोत नखुलेको २६ लाख ५७ हजार रुपैयाँसहित काठमाण्डौको इन्द्रचोकबाट दुई जनालाई पक्राउ गरी बुधवार सार्वजनिक गरेको छ । प्रहरीले स्रोत नखुलेको पैसासहित दुई जनालाई मङ्गलवार दिउँसो पक्राउ गरी सार्वजनिक गरेको हो ।

पक्राउ पर्नेमा बर्दियाको गेरुवा गाउँपालिका–२ घर भई अहिले काठमाण्डौ जडीबुटी बस्ने २८ वर्षीय पुष्प सोडारी र काठमाण्डौ महानगरपालिका–१० बिजुलीबजार बस्ने ३९ वर्षीय अभिषेक अग्रवाल रहेका छन् ।

प्रहरी वृत्त जनसेवाबाट खटिएको टोलीले सोडारीलाई त्यो रकमसहित पक्राउ गरी थप अनुसन्धान गरिरहेको छ । त्यो रकम अग्रवालबाट लिएको भनी खुल्न आएपछि उनलाई समेत प्रहरीले पक्राउ गरेको हो ।