कासिन न्यूज,
काठमाडौं ।
जल तथा मौसम विज्ञान विभागका अनुसार सुदूरपश्चिम, गण्डकी र कर्णालीका पहाडी भेगका १–२ स्थानमा मेघ गर्जन र चट्याङसहित हल्का वर्षाको सम्भावना रहेको छ। यस्तै, कर्णाली र सुदूरपश्चिमका उच्च पहाडी र हिमाली भेगका थोरै स्थान तथा बाँकी उच्च पहाडी तथा हिमाली भूभागका १–२ स्थानमा हल्का हिमपातको सम्भावना छ।

पश्चिमी वायुको सामान्य प्रभावका कारण दिउँसो सुदूरपश्चिम, कर्णाली र गण्डकीका पहाडी भूभागमा आंशिकदेखि सामान्य बदली रही बाँकी भूभागको मौसम आंशिक बदलीदेखि सफा रहनेछ। सुदूरपश्चिम र कर्णालीका पहाडी भेगका थोरै र बाँकी पहाडी भूभागका १–२ स्थानमा हल्का वर्षाको सम्भावना छ। यस्तै, उच्च पहाडी र हिमाली भूभागका १–२ स्थानमा हल्का हिमपातको सम्भावना छ।

राति कोशी, वागमती र गण्डकीका पहाडी भूभागमा आंशिकदेखि सामान्य बदली रही बाँकी भूभागका मौसम आंशिक बदलीदेखि सफा रहनेछ। उच्च पहाडी तथा हिमाली भेगका १–२ स्थानमा हल्का हिमपातको सम्भावना छ।