कासिन न्यूज,
काठमाडौं ।

कालिमाटीबाट बल्खु हुँदै तीनकुने आउन लागेको युवा संघ र प्रसाई नेतृत्व बिच झडप भएको छ । प्रत्यक्षदर्शी सहकर्मीका अनुसार झडपको सिर्जना युवा संघले गरेको थियो । प्रसाईं नेतृत्वको राष्ट्र, राष्ट्रियता, धर्म, संस्कृति र नागरिक बचाउ अभियानले बल्खुमा प्रदर्शनको तयारी गरिरहेको छ । त्यही बेला युवासंघको र्याली बल्खुमा पुगेको थियो ।

युवा संघले भने तीनकुनेमा प्रदर्शन गर्दै छ । ढुंगामुढाबाट बल्खु आसपासमा केही संरचनामा क्षति पुगेको छ भने केही बाइक र गाडीमा पनि क्षति पुगेको छ ।

अहिले सुरक्षाकर्मीले त्यहाँको स्थिति नियन्त्रणमा लिएको छ । बल्खु क्षेत्रमा थप सुरक्षाकर्मी केन्द्रित गरिएको छ ।