कासिन न्यूज,
काठमाडौं ।

दशरथ रंगशालामा शुक्रबारबाट सुरु भएको उद्घाटन खेलमा काठमाडौंले नयाँ टिम स्पोर्टिङ इलाम एफसीलाई १-० ले पराजित गर्दै काठमाडौं रेजर्स एफसीले नेपाल सुपर लिग एनएसएलको दोस्रो सिजनमा विजयी सुरुवात गरेको छ ।

दोस्रो हाफको सुरुमै प्रशान्त अवस्थीको स्थानमा मैदान प्रवेश गरेका राजीव लोप्चनले खेलको ५१औं मिनेटमा गोल गर्दै काठमाडौंलाई अग्रता दिलाएका थिए । त्यही गोलको अग्रता जोगाउँदै काठमाडौंले जिततेको हो ।

लिगमा शनिबार दुई खेल हुनेछन् । पहिलो खेल पोखरा थण्डर्स र एफसी चितवन तथा दोस्रो खेल ललितपुर सिटी र एफसी बुटवल लुम्बिनी बीच हुनेछ ।